म्हसवड दि. २५
म्हसवड शहरातील पेट्रोल पंपावर २०० रुपयांच्या वर पेट्रोल दिले जात नसल्याने भयभित झालेल्या वाहनचालकांनी पेट्रोल पंपावर आपल्या वाहनामध्ये इंधन भरण्यासाठी मोठी गर्दी उसळत असल्याने पेट्रोल पंपावर लांबच लांब रांगा लागल्याचे चित्र दिसत आहे.
देशासह राज्यात इंधन तुटवडा जाणवत असताना आता गँस सिलेंडर मिळवताना मेटाकुटीला आलेल्या सामान्य जनतेला आता पेट्रोल, डिझेल च्या टंचाईचा सामना करावा लागत असुन पेट्रोल पंपावर प्रत्येक वाहनात फक्त २०० रुपयांचे पेट्रोल दिले जात असल्याने सामान्य जनता अधिकच गोंधळलेली आहे. अशातच गँस सिलेंडर प्रमाणे आता पेट्रोल, डिझेलही मिळणे बंद होणार असल्याच्या अफवेने या गोंधळात अधिकच भर पडली आहे, त्यामुळे सामान्य वाहन चालक पेट्रोल पंपावर आपली वाहने वळवु लागली असुन वाहनाची टाकी फुल करण्यासाठी गडबड करीत आहेत, एकाच वेळी अचानक अनेक वाहनांनी पेट्रोल पंपावर गर्दी केल्याने नागरीकांच्या घबराटीमध्ये अधिकच भर पडत आहे.
म्हसवड शहरात बुधवार दि.२५ रोजी शहराचा अठवडी बाजार असल्याने अगोदरच परिसरातील अनेक वाहने येथे येत असतात अशातच पेट्रोल, डिझेल बंद होण्याच्या अफवेने सर्व वाहनचालकांमध्ये अधिकच गोंधळ निर्माण झाल्याने पेट्रोल पंपावर वाहनांच्या लांबच लांब रांगा लागल्याचे दिसुन आले, अशातच प्रती वाहन २०० रुपयांचे इंधन देण्याचा फतवा पेट्रोल पंपचालकांनी काढल्याने अधिकच गोंधळात भर पडली आहे.
दरम्यान सातारा जिल्हा पुरवठा अधिकारी वैशाली राजमाने यांनी नागरीकांनी इंधन तुटवड्याच्या अफवांवर विश्वास ठेवु नये असे आवाहन करताना नागरीकांनी गोंधळुन न जाता पंपावर विनाकारण गर्दी न करण्याचे आवाहन केले आहे. तर भारत सरकारच्या अख्यत्यारित असलेल्या सर्व पेट्रोल पंपावर मुबलक इंधनसाठा शिल्लक आहे, सध्याच्या युध्द जन्य परिस्थितीमुळे पेट्रोल कंपन्यांनी इंधन खरेदीसाठीची पॉलीसी मध्ये थोडासा बदल केला असल्याने पेट्रोल पंपावर इंधन येण्यास काहीसा विलंब होवु शकतो याचा अर्थ टंचाई आहे असा होत नाही नागरीकांनी पँनिक होवुन पंपावर गर्दी करु नये.
About the Author
