म्हसवड दि. २
चैत्री पौर्णीमेनिमीत्त म्हसवड शहरात असलेल्या श्री. जोतीबा मंदिरात येथील दानवीर व्यापारी बाळासाहेब गोंजारी यांच्या वतीने महाप्रसादाचे आयोजन करण्यात आले होते, यावेळी शहरातील हजारो भाविकांनी जोतीबाचे दर्शन घेवुन महाप्रसादाचा लाभ घेतला.
म्हसवड शहरात सुमारे ३०० वर्षापुर्वीचे प्राचीन असे जोतीबा मंदिर असुन या मंदिराच्या जिर्णोध्दाराचे काम येथील माजी नगरसेवक विकास गोंजारी व त्यांचे बंधु बाळासाहेब गोंजारी या बंधु नी हाती घेतले असुन त्यांना या कामी येथील सणगर, माळी समाजाचे मोलाचे सहकार्य लाभ ले आहे, गत वर्षापासुन या बंधुनी येथील मंदिरात महा प्रसाद वाटण्यास सुरुवात केली असुन याला म्हसवडकर भाविकांतुन भरघोस प्रतिसाद मिळत आहे. तर चैत्री पौर्णीमेला दरवर्षी जोतीबा च्या डोंगरावर भरत असलेल्या यात्रेस सर्वसामान्य म्हसवडकर भाविकांना जाण्यास अडचण येत असल्याने शहरातील मंदिरात त्यांना सुलभ व सहज दर्शन घेता यावे याकरीता म्हसवड शहरातील जोतीबा मंदिरात छोटे – खाणी यात्रा भरवली जात आहे, यंदाचा हा उत्सव यशस्वी करण्यासाठी महादेव गोंजारी, मदन गोंजारी, शिवशंकर डमकले, सुभाष गोंजारी, गौरीहर फुटाणे, फडतरे, अशोक गुरव, लक्ष्मी गुरव, महादेव मिस्त्री आदींनी विशेष प्रयत्न केले. यावेळी मंदिरास आकर्षक अशी विद्युत रोषणाई व रंगरंगोटी करण्यात आली होती.०००
About the Author
