म्हसवड दि. २४
म्हसवड येथील शिवसेनेचे माजी उपशहरप्रमुख व तेजस ऑटो स्पेअर पार्टचे मालक किरण त्रिगुणे यांचे वडील श्री. धनंजय शंकर त्रिगुणे यांचे वृध्दापकाळाने वयाच्या ७६ व्या वर्षी निधन झाले.
येथील सणगर समाजाचे जुने जाणते आधारस्तंभ म्हणुन त्यांची विषेश ओळख होती, त्यांच्या निधनामुळे सणगर समाजाची मोठी हानी झाली असल्याचे अनेकांनी त्यांना वाहिलेल्या श्रध्दांजलीत म्हटले आहे. त्यांच्या पश्चात पत्नी, मुलगा, विवाहित मुलगी, सुना नातवंडे असा मोठा परिवार असुन ते शिक्षक नेते सुशील त्रिगुणे यांचे चुलते होते. त्यांच्यावर येथील वैकुंठ स्मशान भुमी येथे अत्यंत शोकाकुल वातावरणात अंत्यसंस्कार करण्यात आले. त्यांच्या अत्यंयात्रेत विविध क्षेत्रातील मान्यवर सहभागी झाले होते.
यावेळी विविध मान्यवरांनी किरण त्रिगुणे यांना भेटुन त्यांच्या कुटुंबाचे सांत्वन करुन सणगर समाज एका जेष्ठ आधारस्तंभाला मुकल्याच्या भावना व्यक्त केल्या.
